AZCON Holding-ə daxil olan ADY sərnişindaşıma göstəricilərini artırdı - FOTO

AZCON Holding-in tərkibində fəaliyyət göstərən Azərbaycan Dəmir Yolları (ADY) 2025-ci ilin yanvar-aprel ayları ərzində 3 milyona yaxın sərnişin daşıyıb.

Avtosfer.az ADY-ə istinadən xəbər verir ki, ötən ilin müvafiq dövrü ilə müqayisədə 16% artım deməkdir.

Bununla yanaşı, ilin ilk rübündə qatarla səfər etmiş xarici turistlərin sayı da əhəmiyyətli dərəcədə artıb. Belə ki, bu göstərici 33% yüksələrək 8 281 nəfərə çatıb.

Bu artım, ölkədə dəmir yolu xidmətlərinə artan etimadın və beynəlxalq turizmdəki müsbət dinamikanın göstəricisidir.