"Azərbaycan Dəmir Yolları" üçün əlamətdar gün! - VİDEO

6 iyul 1926-cı ildə Bakı–Sabunçu–Suraxanı xətti istifadəyə verilərək Azərbaycanda və keçmiş SSRİ məkanında ilk elektrikləşdirilmiş dəmir yolu kimi tarixə düşüb.

"Azərbaycan Dəmir Yolları" QSC-dən Avtosfer.az-a verilən məlumata görə, həmin dövrdə inşa edilmiş Bakı–Sabunçu elektrikləşdirilmiş dəmir yolu vağzalı mühüm nəqliyyat qovşaqlarından birinə çevrilib.

"Elektriləşdirilmiş Bakı–Sabunçu–Suraxanı dəmir yolu ilə minlərlə sərnişin, o cümlədən neftçilər, sənaye işçiləri, Bakıətrafı yaşayış məntəqələrinə və regionlara daha sürətli və rahat səfər edirdilər.

Bir əsrlik zəngin irs bu gün daha müasir və dayanıqlı dəmir yolu xətləri ilə yaşadılır və gələcəyə daşınır", - məlumatda qeyd olunub.