Azərbaycan, İran və Rusiya avtomobil daşımaları üzrə işçi qrupu yaradacaq

Azərbaycan, İran və Rusiya arasında gömrük, sərhəd və nəqliyyat qurumlarının nümayəndələrindən ibarət avtomobil daşımaları üzrə xüsusi işçi qrupunun yaradılması nəzərdə tutulur.

Avtosfer.az "Report"a istinadən xəbər verir ki, bu barədə razılıq üç ölkənin hökumət nümayəndələrinin ötən gün Bakıda keçirilmiş birgə görüşündə əldə olunub.

Tədbirdə həmçinin "Şimal-Cənub" beynəlxalq nəqliyyat dəhlizi üzrə yük daşımalarının illik həcminin 15 milyon tona çatdırılması üçün tədbirlər görülməsinin və yük axınlarının davamlı artımının təmin edilməsinin vacibliyi vurğulanıb.

Planlaşdırılan tədbirlər üzrə Fəaliyyət Planının 3 ay müddətində hazırlanması üçün də işçi qrupunun yaradılması razılaşdırılıb.