"Azərbaycan Nəşriyyatı"na pul ayrılmayacaq

Gələn il dövlət büdcəsində “Azərbaycan Nəşriyyatı” Məhdud Məsuliyyətli Cəmiyyəti üçün vəsait nəzərdə tutulmayıb.

Avtosfer.az xəbər verir ki, bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan “Azərbaycan Respublikasının 2026-cı il dövlət büdcəsi haqqında” qanun layihəsində əksini tapıb.

Belə ki, 2024-cü ildə 2 352 890 manat icra edilib, 2025-ci ildə 2 228 290 manat məbləğində icra planlaşdırılır. 2026-cı ildə isə bu məqsədlə vəsait ayrılmayıb.