"Azərbaycan və Ermənistan arasında sülh prosesini dəstəkləyirik" - Ərdoğan

Türkiyə Azərbaycan və Ermənistan arasında sülh prosesini dəstəkləyir. 

Avtosfer.az xəbər verir ki, bunu Türkiyə Respublikasının Prezidenti Rəcəb Tayyib Ərdoğan Antalyada Azərbaycan Respublikasının Prezidenti İlham Əliyevlə görüşü zamanı deyib. 

Türkiyə Prezident Administrasiyasının Kommunikasiya şöbəsinin məlumatına görə, Ərdoğan İlham Əliyevlə görüşündə Azərbaycan və Ermənistan arasındakı sülh prosesində irəliləyişdən məmnunluğunu ifadə edib.

O, Türkiyənin Azərbaycana Cənubi Qafqazda sülhün memarı kimi baxdığını və Ermənistanla münasibətlərin normallaşdırılması prosesini yaxından izlədiyini vurğulayıb.