Azərbaycan və İran Hərbi Dəniz qüvvələri komandanları Rusiyada görüşəcəklər

Rusiyada Xəzəryanı dövlətlərin Hərbi Dəniz Qüvvələri komandanlarının mühüm iclası keçiriləcək.

Avtosfer.az xəbər verir ki, bu barədə IRIB dövlət teleradio şirkəti məlumat yayıb.

Bildirilir ki, İran İslam Respublikası Ordusunun Hərbi Dəniz Qüvvələrinin komandanı Şahram İrani artıq Sankt-Peterburqa yollanıb.

Səfər çərçivəsində Şahram İrani Rusiya Hərbi Dəniz Donanmasının, eləcə də Azərbaycan və Qazaxıstan Hərbi Dəniz qüvvələrinin rəhbərləri ilə mühüm danışıqlar aparacaq.