Azərbaycanda utilizasiya olunan köhnə maşınların sayı açıqlandı

Müvafiq proqrama əsasən utilizasiya olunan köhnə nəqliyyat vasitələrinin sayı açıqlanıb.

Avtosfer.az verir ki, bu barədə WUF13 çərçivəsində jurnalistlər üçün "Təmiz Şəhər" ASC-nin təsərrüfat sahələrinə təşkil edilən infotur zamanı qurumun mətbuat xidmətinin rəhbəri Orxan Cabbarov açıqlama verib.

O qeyd edib ki, proqramın əsas məqsədi istismar müddəti başa çatmış maşınların utilizasiyasını təmin etməkdir:

"Hazırda ölkə üzrə üç utilizasiya mərkəzi fəaliyyət göstərir. Bunlardan biri Gəncədə, biri Abşeronda, digəri isə Bakıda yerləşir. Gələcəkdə utilizasiya məntəqələrinin sayının artırılması planlaşdırılır. İndiyədək proqram çərçivəsində ümumilikdə 23 589 nəqliyyat vasitəsi utilizasiya olunub. Bununla yanaşı, proqram vasitəsilə ilə vətəndaşlar 1 273 yeni nəqliyyat vasitəsi əldə ediblər"./oxu.az