Azərbaycandan Ermənistana göndəriləcək taxılın həcmi açıqlandı - YENİLƏNİB

Bu gün Azərbaycan ərazisindən tranzit keçməklə ümumi çəkisi 560 ton olan 8 ədəd taxıl yüklü vaqon Ermənistana göndəriləcək.

Bu barədə Avtosfer.az-a "Azərbaycan Dəmir Yolları" QSC-dən (ADY) məlumat verilib.

Bildirilib ki, indiyə qədər Rusiyadan Ermənistana Azərbaycan ərazisindən tranzit keçməklə 20 660 ton taxıl (bugünkü 560 ton daxil olmaqla) göndərilib.

***15:23

Rusiyadan səkkiz ədəd taxıl yüklü vaqon Azərbaycan ərazisindən tranzit keçməklə Ermənistana göndəriləcək.

Avtosfer.az "Report"a istinadən xəbər verir ki, yük vaqonları bu gün yola salınacaq.

Qeyd edək ki, indiyə qədər Rusiyadan Ermənistana Azərbaycan ərazisindən tranzit keçməklə 285 taxıl vaqonu (19 min 900 tona yaxın) taxıl göndərilib.