"Bakı-Tbilisi sərnişin daşımalarının bərpası ilə bağlı iş gedir" - AÇIQLAMA

"Gürcüstan Dəmir Yolları" Bakı-Tbilisi-Bakı sərnişindaşımalarının nə vaxt bərpa olunacağı və 1 may tarixinin hələ də qüvvədə olub-olmaması ilə bağlı açıqlama yayıb. 

Avtosfer.az xəbər verir ki, "Gürcüstan Dəmir Yolları" bu barədə yerli KİV-in sorğusuna cavabında bildirib. 

"Tərəflər hərəkətin bərpası üzərində intensiv işləyir. Konkret tarix daha sonra açıqlanacaq. Bakı-Tbilisi-Bakı sərnişin daşımalarının bərpası ilə bağlı həm dəmir yolu administrasiyaları, həm də məsələ ilə bağlı hər iki ölkənin müvafiq qurumları ilə danışıqların aparılması və texniki detalların dəqiqləşdirilməsini əhatə edən iş prosesi gedir", - deyə məlumatda qeyd olunub.