Bakıda 4 avtomobil qarət edildi - Polis hərəkətə keçdi

Səbail rayonunda 2 avtomobildən oğurluq barədə polisə məlumatlar daxil olub. 

Avtosfer.az xəbər verir ki, Səbail RPİ 41-ci Polis Bölməsinin əməkdaşları tərəfindən aparılan araşdırmalarla Badamdar qəsəbəsi ərazisində “VAZ-2107” markalı 2 avtomobildən müxtəlif üsul və vasitələrlə mobil telefon, içərisində pul, bank kartı və sənədlər olan pulqabıların oğurlanması məlum olub. 

Polis əməkdaşlarının keçirdikləri tədbirlərlə oğurluq əməllərini törətməkdə şübhəli bilinən 27 yaşlı M.Təhməzli saxlanılıb.

Onun dekabrın 18-nə keçən gecə Binəqədi rayonu Sulutəpə qəsəbəsi ərazisində “Volkswagen” və “Mercedes” markalı iki avtomobildən 4650 manat pul və bank kartları oğurlaması da müəyyən olunub.

Araşdırma aparılır.