Bakıda ağmaskalı oğru PEYDA OLUB: Polis onu axtarır - VİDEO - YENİLƏNİB

Bakının Sabunçu rayonunda evdən oğurluq edən ağmaskalı şəxs təhlükəsizlik kameralarına düşüb.

Daxili İşlər Nazirliyinin (DİN) Mətbuat Xidmətinin əməkdaşı Elbrus İbrahimov açıqlamasında bildirib ki, paytaxtın Sabunçu qəsəbəsi ərazisində yerləşən evlərin birindən oğurluq edilməsilə bağlı polisə məlumat daxil olub.

"Oğurluq əməlini törətməkdə şübhəli bilinən şəxsin saxlanılması istiqamətində tədbirlər görülür", - deyə qurum rəsmisi bildirib.

(oxu.az)

***

Bakıda evə girən oğru kameralara düşüb.

Avtosfer.az lent.az-a istinadən xəbər verir ki, hadisə paytaxtın Sabunçu qəsəbəsində qeydə alınıb.

Qəsəbə ərazisindəki fərdi yaşayış evlərindən birinin həyətinə hasardan aşaraq daxil olan, ağmaskalı oğru oradan bahalı əşyaları oğurlayıb. Oğrunun bütün hərəkətləri evdə quraşdırılan təhlükəsizlik kameralarına düşüb. Hadisə ilə bağlı polisə məlumat verilib.

Hazırda polis hadisəni törədən şəxsin müəyyən olunaraq saxlanılması istiqamətində əməliyyat-axtarış tədbirlərini davam etdirir.

Oğrunun görüntülərini təqdim edirik: