Bakıda Azərbaycan-İraq Hökumətlərarası Birgə Komissiyanın iclası keçirildi - FOTO

Rəqəmsal inkişaf və nəqliyyat naziri Rəşad Nəbiyev ticarət, iqtisadi, elmi, texniki və mədəni əməkdaşlıq üzrə Azərbaycan-İraq Hökumətlərarası Birgə Komissiyanın Bakıda keçirilən 4-cü iclasında iştirak edib.

Avtosfer.az xəbər verir ki, bunu nazir öz sosial şəbəkə hesabında bildirib.

"Ölkələrimiz arasında müxtəlif sahələrdə əlaqələrin genişləndirilməsi üçün böyük potensial olduğunu bildirdik. İclas zamanı iqtisadiyyat, sənaye, ticarət, qarşılıqlı investisiyalar, neft və qaz, rəqəmsal inkişaf, elm və təhsil, mədəniyyət, turizm, gənclər və idman sahələrində əməkdaşlıq imkanlarına dair geniş müzakirələr apardıq", - deyə R.Nəbiyev qeyd edib.