Bakıda və Xırdalanda oğurluq edən şəxslər saxlanıldı

Polis Qaraçuxur qəsəbəsində evdən oğurluq edən şəxsi saxlayıb.

Avtosfer.az xəbər verir ki, Suraxanı rayonunda oğurluq hadisəsi qeydə alınıb. Qaraçuxur qəsəbə sakini polisə müraciət edərək evindən 2400 manat dəyərində qızıl-zinət əşyasının talandığını bildirib.

Suraxanı RPİ-nin 32-ci Polis Bölməsinin əməkdaşları tərəfindən həyata keçirilən əməliyyat-axtarış tədbiri ilə cinayət əməlini törətməkdə şübhəli bilinən 33 yaşlı Ş.Rüstəmov saxlanılıb.

Araşdırmalar davam etdirilir.

***

Xırdalanda marketdən oğurluq edən şəxslər saxlanılıb.

Abşeron rayonunda talama cinayəti qeydə alınıb. Naməlum şəxslər Xırdalan şəhərində yerləşən marketlərin birindən 544 manat oğurlayıblar.

Polis əməkdaşlarının keçirdikləri əməliyyat-axtarış tədbiri ilə əməli törətməkdə şübhəli bilinən 40 yaşlı İ.Qədirov və 42 yaşlı E.Axundov müəyyən olunaraq saxlanılıblar.

Faktla bağlı araşdırma aparılır.