Bakıda yol problemi: "İki aydır yolu qazıblar, düzəltmirlər" - FOTO - VİDEO

Bakının Sabunçu rayonu, Bakıxanov qəsəbəsində yerləşən Yavar Əliyev küçəsinin sakinləri artıq iki aydır yol problemi ilə üzləşirlər.

BAKU.WS-in "qaynar xətti"nə müraciət edən sakinlərin sözlərinə görə, küçədə asfalt örtüyünün yenilənməsi məqsədilə yol qazılsa da, işlər yarımçıq saxlanılıb və həmin vaxtdan bəri heç bir iş görülməyib.

"Hazırda küçənin vəziyyəti olduqca bərbaddır. Toz-dumana qərq olan yol həm piyadalar, həm də sürücülər üçün ciddi çətinliklər yaradır. Nəticədə ərazidə nəqliyyatın hərəkəti çətinləşib, sakinlərin gündəlik gediş-gəlişi xeyli məhdudlaşıb",-deyə sakinlər bildirir.

Sakinlər qeyd edir ki, məsələ ilə bağlı dəfələrlə aidiyyəti qurumlara müraciət edilsə də, indiyədək heç bir nəticə olmayıb.