"BakıKart"ın operatoru nizamnamə kapitalını 4 milyon manata yaxın azaldır

"BakıKart"ın operatoru "K Group" Məhdud Məsuliyyətli Cəmiyyəti nizamnamə kapitalını kəskin azaldıb.

Avtosfer.az APA-ya istinadən xəbər verir ki, şirkətin nizamnamə kapitalı 16.1% və ya 3.7 milyon manat azaldılaraq 19.3 milyon manat müəyyən edilib.

Qeyd edək ki, şirkət 3 noyabr 2014-cü ildə qeydiyyatdan keçib, qanuni təmsilçisi isə Məmməd Ənvər oğlu Allahverdiyevdir.

Xatırladaq ki, Bakı Metropolitenində və paytaxtda fəaliyyət göstərən marşrut avtobus xətlərində gediş haqqının ödənilməsi "BakıKart" terminalı vasitəsilə həyata keçirilir.