Bakının bir küçəsi bu gündən tam bağlanır - SƏBƏB - FOTO

Bu gündən etibarən Bakı şəhəri, Xətai rayonu, Babək prospektindən Xəqani Rüstəmov küçəsinədək olan hissədə nəqliyyat vasitələrinin hərəkəti tam məhdudlaşdırılacaq.

Avtosfer.az xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Qeyd edilib ki, məhdudlaşdırma aparılacaq tikinti işləri ilə əlaqədardır.

Bildirilib ki, hərəkətin məhdudlaşdırılması tikinti işləri bitənədək qüvvədə olacaq.

"Sürücülər alternativ olaraq Süleyman Vəzirov küçəsindən istifadə edə bilərlər", - məlumatda bildirilib.