Bakıxanovda məhəllənin ortasında yanğın baş verib - VİDEO

Bakının Sabunçu rayonunda yanğın hadisəsi baş verib.

Avtosfer.az xəbər verir ki, Sabunçu Rayonu Bakıxanov qəsəbəsində boş torpaq ərazisində yanğın baş verib. Belə ki, Oskar Əfəndiyev küçəsində baş verən yanğınla əlaqədar Fövqəladə Hallar Nazirliyinə müraciət daxil olub. Sakinlərin sözlərinə görə, nazirliyin Yanğından Mühafizə Xidmətinin əməkdaşları tərəfindən cəmi bir neçə dəqiqə ərzində yanğın tam nəzarətə götürülüb. Yanğının ətrafdakı evlərə keçməsinin qarşısı alınıb.

Şahidlərin sözlərinə görə, hadisə vətəndaşlardan birinin quru otlarla dolu sahəyə siqaret atması səbəbilə baş verib. Hadisə nəticəsində xəsarət alan olmayıb. Faktla bağlı araşdırmalar davam etdirilir.

Səfər