Beyləqanda daha bir küçə asfaltlandı - FOTO

Beyləqanda daha bir küçədə asfaltlanma işləri yekunlaşıb.

Bu barədə Avtosfer.az-a Beyləqan Rayon İcra Hakimiyyətindən məlumat verilib. 

Bildirilib ki, Prezident İlham Əliyevin rəhbərliyi ilə ölkəmizdə regionların sosial-iqtisadi inkişafı, infrastrukturun yenilənməsi və vətəndaşların rahat yaşayış şəraitinin təmin edilməsi istiqamətində ardıcıl və məqsədyönlü tədbirlər həyata keçirilir. Dövlət başçısının bölgələrin inkişafına dair tapşırıq və tövsiyələrinə uyğun olaraq Beyləqan rayonunda da abadlıq, quruculuq və infrastruktur layihələrinin icrası davam etdirilir.

Rayon mərkəzində aparılan işlər çərçivəsində Beyləqan şəhəri Mirzə Fətəli Axundov küçəsində asfaltlanma prosesi uğurla yekunlaşdırılıb. Layihə çərçivəsində küçəboyu köhnə asfalt örtüyü tam yenilənib, səth bərpa edilərək müasir tələblərə uyğun yeni asfalt qatı salınıb. Görülən işlər nəticəsində nəqliyyat vasitələrinin və piyadaların hərəkəti üçün daha təhlükəsiz və rahat mühit yaradılıb.