Biləcəridə ağaclar kəsilir? - DİN araşdırmaya başladı - FOTO

Paytaxtın Binəqədi rayonu, Biləcəri qəsəbəsində yaşıllıqların qırılması faktı araşdırılır.

Avtosfer.az xəbər verir ki, bu barədə qafqazinfo-ya Daxili İşlər Nazirliyinin (DİN) Mətbuat xidmətinin əməkdaşı Cəsarət Qənbərli məlumat verib.

“Binəqədi rayonu Biləcəri qəsəbəsindəki yaşıllıq ərazidə ağacların kəsilməsi faktı ilə bağlı Rayon Polis İdarəsində araşdırmalar aparılır”, - DİN rəsmisi vurğulayıb.

Qeyd edək ki, Bakının Binəqədi rayonu, Biləcəri qəsəbəsi ərazisində ağacların kütləvi şəkildə məhv edilməsi ilə bağlı xəbər yayılıb. Məsələ ilə bağlı rayon icra hakimiyyətindən Baku.ws- bildirilib ki, ərazidə ağacların budanması işləri aparılıb.