Bolt Müştəri Dəstəyi: Müraciətlər necə araşdırılır? - FOTO

Yay aylarında şəhərdə hərəkətlilik davam edir. İstər işgüzar səfərlər, istərsə də şəhəri ziyarət edən turistlər səbəbindən taksi xidmətlərinə tələbat yüksək olaraq qalır. Hər gün minlərlə istifadəçi Bolt vasitəsilə səfər edir və bu səfərlərin böyük əksəriyyəti heç bir əlavə dəstəyə ehtiyac olmadan uğurla tamamlanır. Bununla belə, istifadəçilərin ödənişlər, itirilmiş əşyalar, təhlükəsizlik və ya digər mövzularla bağlı sualları yarandıqda Bolt Müştəri Dəstəyi komandası operativ dəstək göstərir.

Bəs Bolt Müştəri Dəstəyi necə işləyir?

●     Müraciətləri tətbiq üzərindən göndərin

Hər hansı sual və ya dəstəyə ehtiyac yarandıqda istifadəçilərə birbaşa Bolt tətbiqi vasitəsilə müraciət etmələri tövsiyə olunur. Bu, Müştəri Dəstəyi komandasına səfərlə bağlı məlumatlara operativ çıxış əldə etməyə və məsələnin daha qısa müddətdə araşdırılmasına imkan verir.

●     Hər müraciət ayrıca araşdırılır

Bolt tətbiqi vasitəsilə daxil olan bütün müraciətlər fərdi qaydada qiymətləndirilir. Araşdırma zamanı istifadəçinin təqdim etdiyi məlumatlarla yanaşı, səfərlə bağlı sistemdə mövcud olan məlumatlar da təhlil edilir. Məqsəd hər bir məsələyə obyektiv yanaşmaq və mümkün olan ən düzgün həlli təqdim etməkdir.

●     Təhlükəsizlik prioritet olaraq qalır

Sərnişin və ya sürücünün təhlükəsizliyi ilə bağlı müraciətlər prioritet qaydada araşdırılır. Eyni zamanda Bolt tətbiqində mövcud olan Pickup Code, Səfəri paylaş, sürücü və avtomobil məlumatlarının əvvəlcədən yoxlanılması kimi təhlükəsizlik funksiyaları istifadəçilərin daha təhlükəsiz səfər etməsinə kömək edir.

●     Dəstək yalnız şikayət üçün deyil

Bolt Müştəri Dəstəyi yalnız yaranan məsələlərin həlli ilə məşğul olmur. İstifadəçilər tətbiq vasitəsilə ödənişlər, itirilmiş əşyalar, səfərlə bağlı suallar və digər mövzular üzrə dəstək ala bilərlər. Komandanın məqsədi istifadəçilərə mümkün olan ən rahat və operativ xidmət göstərməkdir.

●     Hər rəy xidmətin inkişafına töhfə verir

İstifadəçilərdən daxil olan müraciətlər və səfərlərdən sonra təqdim olunan qarşılıqlı qiymətləndirmələr platformanın davamlı inkişafında mühüm rol oynayır. Həm sərnişinlər, həm də sürücülər hər səfərdən sonra bir-birini qiymətləndirə bilirlər. Bu qiymətləndirmələr və rəylər xidmət keyfiyyətinin izlənilməsinə, təkrarlanan halların müəyyənləşdirilməsinə və istifadəçi təcrübəsinin davamlı olaraq təkmilləşdirilməsinə kömək edir.

Bolt Azərbaycan üzrə Müştəri Dəstəyi meneceri Ramin Kərimov bildirib:

"Hər gün minlərlə istifadəçi Bolt vasitəsilə səfər edir və onların böyük əksəriyyəti heç bir əlavə dəstəyə ehtiyac olmadan uğurla tamamlanır. İstifadəçilərimizin sualları və ya dəstəyə ehtiyac yarandıqda isə komandamız hər bir müraciətə operativ və fərdi qaydada yanaşır."