Bosfor boğazında gəmilərin hərəkəti dayandırıldı

İstanbulun Bosfor boğazında qatı duman səbəbindən hər iki istiqamətdə gəmilərin hərəkəti müvəqqəti dayandırılıb.

Avtosfer.az "Haber Global"a istinadən xəbər verir ki, bu barədə Türkiyənin Nəqliyyat və İnfrastruktur Nazirliyi məlumat yayıb.

Bildirilir ki, hava şəraiti normallaşdıqdan sonra nəqliyyatın hərəkəti bərpa olunacaq.

Ərazidəki gəmi kapitanlarına ehtiyatlı olmaq barədə xəbərdarlıq edilib.