Bu halda Azərbaycana müharibə elan etmiş olacağıq – Paşinyan

Ermənistanın Baş naziri Nikol Paşinyan Kərki kəndinin ölkənin suveren ərazisi olması barədə fikirlərlə bağlı sərt mövqe sərgiləyib.

Avtosfer.az xəbər verir ki, o bu barədə jurnalistlərlə söhbətində danışıb.

Paşinyan bildirib ki, Kərki kəndinin Ermənistan olduğunu iddia etmək ölkənin rəsmi ərazi göstəricisinin dəyişdirilməsi anlamına gəlir:

“Ermənistanın ərazisinin 29 743 kvadratkilometr deyil, məsələn, 29 750 kvadratkilometr olduğunu bəyan etmək faktiki olaraq müharibə elan edilməsi kimi qiymətləndirilə bilər”.

Baş nazir cəmiyyətdə müxtəlif siyasi seçimlərin mümkün olduğunu və vətəndaşların istənilən vaxt “müharibə partiyasının” arxasınca gedə biləcəyini deyib.

Paşinyan 2019–2020-ci illərdə baş verən hadisələrin yenidən təkrarlanmasına imkan verməyəcəyini vurğulayıb.

O qeyd edib ki, gələcəkdə “niyə əvvəlcədən xəbərdar etmədin” sualının yaranmaması üçün mövqeyini indidən açıq şəkildə ifadə edir./globalinfo