Bu il 4,5 milyon pilotsuz təyyarənin alınması planlaşdırılır

Ukrayna 2025-ci ildə 4,5 milyon pilotsuz təyyarə almağı planlaşdırır.

Avtosfer.az "AZƏRTAC"a istinadən xəbər verir ki, bu barədə Ukrayna Müdafiə Nazirliyi mətbuat xidməti məlumat yayıb.

“Əgər 2023-cü ildə Müdafiə Nazirliyi minlərlə pilotsuz təyyarə alıbsa, 2024-cü ilin sonuna qədər Ukraynanın Xüsusi Rabitə və İnformasiyanın Mühafizəsi üzrə Dövlət Xidməti ilə birlikdə biz 1,5 milyondan çox pilotsuz təyyarə almışıq”, - deyə məlumatda bildirilir.

Bu məbləğin 96 faizi Ukrayna istehsalçılarına və təchizatçılarına ödənilib. Bu, Ukraynanın PUA istehsalı sənayesinin inkişafına müsbət təsir göstərdi.

“Bu il rəqəmlər daha da çox olacaq, çünki 2025-ci ildə yerli müdafiə sənayesinin imkanları təxminən 4,5 milyon FPV pilotsuz təyyarəsi təşkil edəcək. Müdafiə Nazirliyi isə onların hamısını almağı planlaşdırır”, - deyə nazirliyin məlumatında qeyd edilib.

Mətbuat xidməti bildirib ki, bu il Müdafiə Nazirliyi pilotsuz təyyarələrin alınmasına 110 milyard qrivnadan çox, o cümlədən Müdafiə Təchizatları Agentliyi vasitəsilə 102 milyard qrivnadan çox vəsait ayıracaq.

Kanevskinin sözlərinə görə, 2025-ci il üçün bütün satınalma planlarına büdcə vəsaiti daxil olub ki, bu da cəbhəni mümkün qədər tez pilotsuz uçuş aparatları ilə təmin etməyə imkan verəcək.