Bu il dəniz nəqliyyatı ilə daşınan yüklərin 47%-i neftin payına düşüb

Azərbaycanda dəniz nəqliyyatı ilə 2024-cü ilin yanvar-sentyabr aylarında daşınmış yüklərin həcmi 6 358 min ton təşkil edib və əvvəlki ilin müvafiq dövrünə nisbətən 8,6% azalıb.

Dövlət Statistika Komitəsindən Avtosfer.az-a verilən məlumata görə, yüklərin 47,6%-i neft yükləri təşkil edib.

Bildirilir ki, hesabat dövründə dəniz limanları tərəfindən 1 0431,5 min ton həcmində yükləmə-boşaltma işləri həyata keçirilib və yüklərin 8 363,3 min tonunu və ya 80,2 faizini tranzit yüklər təşkil edib. 2024-cü il oktyabr ayının 1-i vəziyyətinə limanlarda qalan yüklərin həcmi 452,5 min ton olub.

“Dövr ərzində bu nəqliyyat növü ilə daşınmış sərnişinlərin sayı 2023-cü ilin müvafiq dövrünə nisbətən 19,6% artaraq 21,4 min nəfər olub”, - məlumatda qeyd olunur.