Bu küçədə mobillik zolağı təşkil olunacaq - EKSPERT

Bakıda mikromobillik infrastrukturunun genişləndirilməsi istiqamətində yeni addımlar atılır. Xan Şuşinski küçəsində mikromobillik zolağının təşkil edilməsi ilə Rəşid Behbudov küçəsi və Vaqif prospektindəki mövcud zolaqlar birləşdirilib. Bu dəyişikliklərin şəhərdə alternativ nəqliyyat vasitələrindən istifadənin artmasına və şəxsi avtomobillərdən asılılığın azalmasına nə dərəcədə təsir edəcəyi maraq doğurur.

Avtosfer.az xəbər verir ki, Xan Şuşinski küçəsində mikromobillik zolağının təşkil edilməsi ilə Rəşid Behbudov küçəsi və Vaqif prospektindəki mövcud zolaqlar birləşdirilib. Bu dəyişikliklərin şəhərdə alternativ nəqliyyat vasitələrindən istifadənin artmasına və şəxsi avtomobillərdən asılılığın azalmasına nə dərəcədə təsir edəcəyi maraq doğurur.

Mövzu ilə bağlı nəqliyyat eksperti Eldəniz Cəfərli Avtosfer.az-a açıqlamasında bildirib ki, mikromobillik zolaqlarının genişləndirilməsi ictimai nəqliyyatdan və taksidən istifadə edən gənclərin mikromobillik vasitələrinə keçməsinə şərait yaradır:

"Avtomobillərdən istifadənin azalmasına gəldikdə isə, bu, qismən mümkündür. Xüsusilə 2-3 kilometrlik qısa məsafələrdə velosiped və skuterlər avtomobilə real alternativ ola bilər. Lakin bunun üçün zolaqlar ayrı-ayrı hissələr şəklində deyil, fasiləsiz və bir-biri ilə əlaqəli şəbəkə kimi qurulmalıdır. Məndə olan məlumata görə, mikromobillik şəbəkəsinin genişləndirilməsi və ümumi uzunluğunun 100 kilometrə çatdırılması ilə bağlı məqsəd var. Əsas məsələ mikromobilliyin metro və avtobus sistemi ilə inteqrasiya edilməsidir. Bununla yanaşı, təhlükəsiz kəsişmələrin yaradılması, qoruyucu sədlərin quraşdırılması, velosiped və elektrikli skuterlər üçün parklanma məntəqələrinin təşkili, həmçinin fasiləsiz və təhlükəsiz zolaqların sayının artırılması vacibdir. İnsan evindən çıxaraq mikromobillik vasitəsi ilə metroya və ya iş yerinə təhlükəsiz və rahat şəkildə çata bilirsə, avtomobildən istifadə etmək ehtiyacı da azalır".

Fatimə