Bu rayonda bir neçə küçənin yolları əsaslı TƏMİR EDİLƏCƏK

Hacıqabul şəhərində bir neçə küçənin əsaslı təmiri nəzərdə tutulur.

Avtosfer.az baku.ws-ə istinadən xəbər verir ki, Hacıqabul Rayon İcra Hakimiyyəti tərəfindən bununla bağlı satınalma müsabiqəsi elan edilib.

Layihə üzrə işlərin həyata keçirilməsi üçün ehtimal olunan qiymət 515 min manat müəyyənləşdirilib.

Məlumata əsasən, təmir işləri şəhərin H.Həmidov, M.Ə.Rəsulzadə, Şəhriyar və 20 Yanvar küçələrini, həmçinin M.Ə.Rəsulzadə küçəsinə bitişik dalan yolları əhatə edəcək.

Görüləcək işlərin əsas məqsədi Hacıqabul şəhərində yol örtüyünün yenilənməsi, nəqliyyat hərəkətinin yaxşılaşdırılması və küçə infrastrukturunun müasir vəziyyətə gətirilməsidir.