"Cəfər Cabbarlı" və "Nizami" stansiyalarını birləşdirən tunel nə vaxt istifadəyə veriləcək?

"Bakı metropoliteninin "yaşıl" və "qırmızı" xətlərinin ayrılması layihəsi çərçivəsində "Cəfər Cabbarlı" və "Nizami" metro stansiyalarını birləşdirəcək 211 metrlik tunelin inşası sürətlə davam etdirilir".

Avtosfer.az xəbər verir ki, bunu Oxu.Az-a qurumun Tikinti layihələrinin idarə olunması departamentinin rəisi Məmməd Rzayev deyib.

O bildirib ki, tikinti işləri çərçivəsində ötən dövr ərzində kabellərin köçürülməsi uğurla başa çatdırılıb:

"Hazırda hər iki tunel üzrə qazıntı işləri davam etdirilir. İlkin mərhələdə 39 metr tunel qazıldığı halda, hazırda hər iki istiqamət üzrə qazıntı işlərinin ümumi həcmi 63 metrə çatıb. Layihənin gələn ilin iyul ayına qədər başa çatdırılaraq təhvil verilməsi nəzərdə tutulur. Hazırda işlər təsdiq olunmuş qrafikə uyğun aparılır. Tikinti prosesində hər hansı gecikmə qeydə alınmayıb".