Daşkənddə Beynəlxalq Nəqliyyat Forumu keçirilir

Özbəkistanın paytaxtı Daşkənddə Beynəlxalq Nəqliyyat Forumu (International Transport Forum), aviasiya forumu və "TransLogistica Uzbekistan 2025" sərgisi açılıb.

Avtosfer.az xəbər verir ki, bu barədə "Sputnik" məlumat yayıb.

Açılış mərasimində çıxış edən Özbəkistanın nəqliyyat naziri İlhom Maxkamov qeyd edib ki, bu tədbirlər nəqliyyat və logistika sisteminin inkişafı, regional əlaqələrin gücləndirilməsi və beynəlxalq tərəfdaşlığın genişləndirilməsi ilə bağlı aktual məsələlərin hərtərəfli müzakirəsi üçün hökumət və beynəlxalq təşkilatların nümayəndələrini, işgüzar dairələri və aparıcı mütəxəssisləri bir araya gətirir.

Qeyd edək ki, forum və sərgidə Özbəkistan, Qırğızıstan, Tacikistan, Pakistan, Azərbaycan, Qazaxıstan və Türkiyə rəsmiləri də iştirak edirlər.