Dəmir yollarından oğurluq etdi, polis saxladı

Sumqayıt dəmir yolu stansiyası ərazisində oğurluq hadisəsi baş verib. 

Avtosfer.az DİN-ə istinadən xəbər verir ki, naməlum şəxsin alət saxlama otağından metal konstruksiyaların oğurlaması barədə polisə məlumat daxil olub.

Nəqliyyatda Baş Polis İdarəsi əməkdaşlarının keçirdikləri tədbirlərlə əməli törətməkdə şübhəli bilinən şəhər sakini 29 yaşlı R.Üzeyirov saxlanılıb. 

Analoji hadisə Sabirabad dəmir yolu stansiyası ərazisində də qeydə alınıb. Elektrik dirəklərinin hissələrini talamaqda şübhəli bilinən paytaxt sakinləri 24 yaşlı A.Yüzbaşev və 49 yaşlı Ş.Kamalov polis əməkdaşları tərəfindən saxlanılıblar.

Araşdırma aparılır.