Deputat bıçaqların qadağasını təklif etdi

Gənclər və yeniyetmələr arasında bıçaqlanma hallarının artması narahatlıq doğurur. Rəsmi statistikalar göstərir ki, bu cür hadisələr əsasən cibdə daşınan qatlanan bıçaqlarla törədilir. Bu səbəbdən həmin bıçaqların satışının və istifadəsinin qadağan olunması təklif edilib.

Avtosfer.az-ın xəbərinə görə, bu fikirləri Milli Məclisin Gənclər və idman komitəsinin iclasında deputat Müşfiq Cəfərov səsləndirib. O bildirib ki, bəzi kompüter oyunları uşaqların və yeniyetmələrin psixologiyasına mənfi təsir göstərir.

Deputatın sözlərinə görə, bu cür oyunların qadağan edilməsi mühüm əhəmiyyət daşıyır və uşaq və yeniyetmələr arasında baş verən ölüm hallarının qarşısının alınmasına kömək edə bilər.

 Könül Rauf