Dövlət qurumunun avtomobil parkına daha bir Çin modeli daxil edildi

Azərbaycan Avtomobil Yolları Dövlət Agentliyinin (AAYDA) tabeliyində Avtomobil Yollarının Mühafizə Xidmətinin istifadəsinə Çin istehsallı daha bir model xidməti avtomobillər verilib.
Avtosfer.az xəbər verir ki, qurumun xidməti avtomobil parkına “Changan Qiyuan Q05” markalı (Offroader / SUV) avtomobilləri də daxil edilib.

Qeyd edək ki, Avtomobil Yollarının Mühafizə Xidmətinin istifadəsinə bundan əvvəl isə Çin istehsallı “BYD” markalı avtomobillər verilib.

Avtomobil Yollarının Mühafizə Xidməti Agentliyin balansına verilmiş avtomobil yollarının, eləcə də körpülərin, tunellərin və digər yol qurğularının qorunmasını təşkil edən publik hüquqi şəxs kimi müəyyən olunub. Xidmətin fəaliyyətinin təşkili və təmin edilməsi xərcləri “Avtomobil yolları” Məqsədli Büdcə Fondunun vəsaiti hesabına maliyyələşdirilir.(İqtisadiyyat.az)