Dünyanın ən hündür körpüsü nəqliyyat üçün açıldı - FOTO

Çinin cənub-qərbindəki Quyçjou əyalətində yerləşən dünyanın ən hündür körpüsü bazar günü nəqliyyatın hərəkəti üçün açılıb.

Avtosfer.az xəbər verir ki, bu barədə "Sinxua" agentliyi məlumat yayıb.

Məlumata görə, körpü üç illik tikintidən sonra dərə ilə səyahət vaxtını iki saatdan cəmi iki dəqiqəyə endirəcək.

Quyçjou dağlıq bölgəsində Beypan çayından 625 metr hündürlükdə yüksələn körpü San-Fransiskodakı Qızıl Qapı körpüsündən təxminən doqquz dəfə hündürdür.

Əsas eni 1420 metr olan körpü dağlıq ərazidə inşa edilmiş, ən uzun arakəsmə ilə polad asma konstruksiyadır. Körpünün uzunluğu 2890 metrdir.