Elektromobil xülyası puç oldu – 470 milyard batdı

Rusiya elektromobillə bağlı qarşıya qoyduğu məqsədlərin heç birinə çatmayıb.

Avtosfer.az xəbər verir ki, bu barədə “İzvestiya” nəşri məlumat yayıb. Nəşrin xəbərinə görə 2021-ci ildə qəbul olunan proqrama görə 3 il ərzində 25 min ədəd elektromobil istehsal edilməli idi. Halbuki, cəmi 4300 maşın buraxılıb.

Bundan əlavə 9500 ədəd doldurma qurğusu da istehsalı planlaşdırılmışdı. Neçə qurğunun istehsal edildiyi barədə statistika açıqlanmır. Ekspertlər isə cəmi bir neçə qurğunun hazırlandığını iddia edirlər.

Ötən ay KamAZ və və Rosatom elektromobil üzərində işi dayandırıb. Ümumilikdə elektromobil layihəsi rusiyalı vergi ödəyicilərinə 470 milyard rubla (təxminən 960 milyon manat) başa gəlib. Layihəyə 40 şirkət cəlb olunmuşdu.

Vüqar