Ən çox əməkhaqqı alan nəqliyyat işçiləri - 2000-dən çoxdur

Nəqliyyat sektorunda çalışan işçilərin orta aylıq əməkhaqqı açıqlanıb.

Avtosfer.az xəbər verir ki, cari ilin yanvar-sentyabr aylarında bu sahədə işləyənlərin orta aylıq maaşı 1 529,8 manat təşkil edib.

Bu göstərici ötən ilin eyni dövrü ilə müqayisədə 168,4 manat artım deməkdir ki, bu da 12,36% yüksəliş şəklində qeydə alınıb.

Ötən ilin müvafiq dövründə orta aylıq əməkhaqqı 1 361,4 manat olub.

Qeyd edək ki, bu sahə üzrə ən çox əməkhaqqı alan sektor işçiləri qaz kəməri sahəsindədir. Cari ilin ilk 9 ayı üçün onların orta aylıq əməkhaqqı 2405,2 manat olub. Bu hesabatın tam əksi olaraq ən az əməkhaqqı alan nəqliyyat sektoru işçiləri isə poçt və kuryer fəaliyyəti ilə məşğul olan işçilər olub ki, onlar üçün müəyyən edilmiş orta aylıq əməkhaqqı 655,4 manat olub./Valyuta.az