Ermənistan tərəfindən Azərbaycana qaytarılan ərazidə dayaq məntəqəsi tikilib - FOTO

Ermənistan tərəfindən Azərbaycana təhvil verilmiş ərazidə ölkəmizə məxsus dayaq məntəqəsi tikilib.

Avtosfer.az-ın xəbərinə görə, bu barədə Ermənistanın "Hraparak" nəşri mənbələrə istinadən yazıb.

Bildirilib ki, Azərbaycan və Ermənistan arasında sərhədin delimitasiyası çərçivəsində Tavuş bölgəsinin Kirants kəndində təxminən 15 hektar ərazi, Kirants-Bağanis Ayrım ərazisində möhkəmləndirilmiş müdafiə mövqeləri, eləcə də Berkaber kəndində yaxınlıqdakı mövqelər birtərəfli qaydada Azərbaycana verilib.

Nəşrin məlumatına görə, Əskipara (Voskepar)-Bağanis Ayrım ərazisində Azərbaycana təhvil verilmiş Ermənistanın keçmiş müdafiə mövqeyində Azərbaycanın dayaq məntəqəsi inşa edilib, həmçinin bu yaxınlarda dövlətlərarası magistral yolun yaxınlığında böyük Azərbaycan bayrağı qaldırılıb.