Ermənistana gedən dəmir yolunun tikintisi tamamlanmaq üzrədir

Zəngəzur dəhlizi çərçivəsində Ermənistan sərhədinə doğru uzanan dəmir yolu və avtomobil yolunun tikintisinin yaxın vaxtlarda yekunlaşacağı gözlənilir.

Avtosfer.az-ın məlumatına görə, bu barədə Milli Məclisin bu gün keçirilən plenar iclasında müzakirə edilən Nazirlər Kabinetinin 2025-ci il üzrə fəaliyyət hesabatında qeyd olunub.

Sənəddə bildirilib ki, paralel olaraq Naxçıvan Muxtar Respublikasının ərazisində yerləşən dəmir yollarının bərpası ilə bağlı işlərə də start verilib. Zəngəzur dəhlizi üzrə layihə tam reallaşdıqdan sonra onun illik yükdaşıma imkanının 15 milyon tona qədər yüksələcəyi proqnozlaşdırılır.