Ermənistanda Azərbaycan əsgəri saxlanıldı - TƏCİLİ

Azərbaycanlı hərbçi naməlum şəraitdə Ermənistan ərazisinə keçib.

Avtosfer.az xəbər verir ki, bu barədə Ermənistan Milli Təhlükəsizlik Xidməti məlumat yayıb.

Məlumata əsasən, oktyabrın 1-də yerli vaxtla saat 14:15-də Sünik vilayətinin (Zəngəzur - red.) Şəki yaşayış məntəqəsində Azərbaycan əsgəri Ermənistan təhlükəsizlik orqanları tərəfindən saxlanılıb.

Qeyd olunur ki, Şəki kəndində Azərbaycan əsgərinin saxlanması barədə Azərbaycan tərəfinə də məlumat təqdim edilib. Hazırda Ermənistan İstintaq Komitəsində faktla bağlı araşdırma aparılır. Yaxın dəqiqələrdə məsələ ilə əlaqədar Azərbaycan tərəfinin də açıqlama yayacağı gözlənilir. (oxu.az)