Evlərdən kombi və radiator oğurlayanlar saxlanıldı

Abşeron rayonu ərazisində yerləşən yaşayış yerlərindən 300 manat dəyərində su qızdırıcısı, 8 qapı və məişət əşyalarının oğurlanması barədə polisə məlumatlar daxil olub.

Avtosfer.az xəbər verir ki, Abşeron Rayon Polis İdarəsi əməkdaşlarının keçirdikləri tədbirlərlə əməlləri törətməkdə şübhəli bilinən əvvəllər məhkum olunmuş 29 yaşlı O.Nəsrullayev müəyyən olunaraq saxlanılıb.

Bundan başqa, Binəqədi rayonu ərazisində yerləşən evlərin birindən kombi və radiator oğurlamaqda şübhəli bilinən, əvvəllər məhkum olunmuş 50 yaşlı R.Seyidovun saxlanılması da təmin edilib.
 

***

Nəsimi RPİ 19-cu Polis Şöbəsi əməkdaşlarının keçirdikləri tədbirlərlə rayon ərazisində ayrı-ayrı vaxtlarda bir nəfərin mobil telefonunu soyğunçuluq yolu ilə talamaqda şübhəli bilinən, əvvəllər məhkum olunmuş 27 yaşlı Q.Zeynalov, digər şəxsin isə mobil telefonunu oğurlamaqda şübhəli bilinən 57 yaşlı R.Baxşiyev müəyyən olunaraq saxlanılıblar.

Hər iki faktla bağlı araşdırma aparılır.