"General Motors" 23,5 min avtomobilini geri çağırır

Amerikanın avtomobil istehsalçısı "General Motors" yanacaqdoldurma zamanı həddindən artıq yanacaq sızması nəticəsində yaranan yanğın təhlükəsi səbəbindən Birləşmiş Ştatlarda 23 500-dən çox "Corvette" avtomobilini geri çağırır.

Avtosfer.az xəbər verir ki, bu barədə ABŞ Milli Avtomobil Yolları Hərəkətinin Təhlükəsizliyi İdarəsi məlumat yayıb.

Problem ondadır ki, avtomobilə yanacaq doldurarkən yanacaq həddən artıq dolduqda, o, yanacaq çəninin doldurucu boğazının ətrafındakı boşluqda toplana bilər. Dah sonra yanacaq mühərrikin və ya egzoz sisteminin isti komponentləri ilə təmasda ola bilər ki, bu da yanğına səbəb ola bilər.

Geri çağırılma 2023-2025-ci illər arasında istehsal edilən modellərə təsir edəcək.(iqtisadiyyat.az)