Husilər Qırmızı dənizdə İsrailin neft tankerini vurdular

Yəmənin "Ənsar Allah" üsyançı hərəkatından olan husilər Qırmızı dənizdə İsrailə məxsus olduğunu güman etdikləri "Scarlet Ray" neft tankerinə raket zərbəsi endiriblər.

Avtosfer.az TASS-a istinadən xəbər verir ki, üsyançıların yaratdığı Silahlı Qüvvələrin nümayəndəsi Yəhya Sariya hədəfin vurulduğunu iddia edir.

"Yəmən Silahlı Qüvvələrinin hərbi-dəniz qüvvələri hərbi əməliyyat keçirib və bu əməliyyat zamanı onlar Qırmızı dənizin şimal hissəsində İsrailin "Scarlet Ray" neft tankerinə ballistik raketlə hücum ediblər", - deyə Sariya bildirib.

Onun sözlərinə görə, gəmi birbaşa zərbə ilə vurulub.