"Hyundai Motor" bu ölkəyə 5 milyard dollardan çox sərmayə qoyacaq

Cənubi Koreyanın avtomobil istehsalçısı "Hyundai Motor" Hindistan bölməsinin qlobal ixrac mərkəzinə çevrilməsi üçün yaxın beş il ərzində ölkəyə 5 milyard dollardan çox sərmayə qoymağı planlaşdırır.

Bu barədə Avtosfer.az "The Wall Street Journal"a istinadən xəbər verir.

Bildirilib ki, "Hyundai Motor India" 2030-cu ilə qədər əsas şirkətin ümumi ixracının təxminən üçdə birini təşkil etməyi hədəfləyir.

"Hyundai"nın Hindistan filialı yeddi yeni model də daxil olmaqla 26 avtomobil modeli istehsal etməyi planlaşdırır.

Qeyd edilib ki, "Hyundai Motor India" Hindistanda "Maruti Suzuki"dən sonra ikinci ən böyük avtomobil istehsalçısıdır.(iqtisadiyyat.az)