İran Tacikistanla bağlı qərar verdi

Tacikistanın Energetika və Su Ehtiyatları naziri Daler Cuma və İranın xarici işlər naziri Abbas Əraqçi ticarət və iqtisadi əməkdaşlığın inkişaf etdirilməsi ilə bağlı danışıqlar aparıblar.

Avtosfer.az xəbər verir ki, bu barədə Tacikistan Energetika Nazirliyinin mətbuat xidməti məlumat yayıb. Nazirliyin rəsmi açıqlamasında deyilir:

“İran xarici işlər naziri Abbas Əraqçi ilə ikitərəfli münasibətlərin vəziyyətini və perspektivlərini müzakirə etdim. Tərəflər həmçinin “ticarət, iqtisadi və sənaye əməkdaşlığı” məsələlərinə də toxunublar.

Görüş zamanı departament rəhbərləri enerji sektoruna diqqət yetiriblər. Xüsusilə, İrandan Tacikistana xam neft və neft məhsullarının tədarükünün təşkili mexanizmləri müzakirə edilib.

Nazirlər iqtisadi məsələlərlə yanaşı, cari regional və beynəlxalq məsələlər barədə də fikir mübadiləsi aparıblar.