İstanbulda TORPAQ SÜRÜŞMƏSİ - FOTO

İstanbulun Böyükçəkməcə rayonunun Mimar Sinan sahilində torpaq sürüşməsi baş verib.

Avtosfer.az HaberGlobala-a istinadla xəbər verir ki, sürüşən torpaq sahil yolunun bir hissəsini bağlayıb, hadisə zamanı ərazidə olan sakinlər arasında təşviş yaranıb.

Məlumat əsasında hadisə yerinə polis, təcili tibbi yardım və çoxsaylı yanğınsöndürən-xilasedici briqadalar cəlb edilib. Dağıntı altında insanların qala biləcəyi ehtimalı nəzərə alınaraq axtarış-xilasetmə işlərinə başlanılıb.

Hazırda hadisə yerində əməliyyat davam edir.