İlham Əliyev Kobaxidzeyə başsağlığı verdi

Prezident İlham Əliyev Gürcüstan Baş naziri İrakli Kobaxidzeyə başsağlığı verib.

Avtosfer.az xəbər verir ki, başsağlığında deyilir:

“Hörmətli cənab Baş nazir,

Qali rayonunun Saberio kəndində baş vermiş yanğın nəticəsində beş uşağın həlak olması xəbəri bizi son dərəcə sarsıtdı.

Bu faciə ilə əlaqədar dərdinizi bölüşür, Sizə, həlak olan uşaqların ailəsinə və yaxınlarına, bütün Gürcüstan xalqına şəxsən öz adımdan və Azərbaycan xalqı adından dərin hüznlə başsağlığı verirəm”.