İlham Əliyevdən sonra Paşinyana zəng etdi

Ermənistanın baş naziri Nikol Paşinyan Avropa İttifaqı Şurasının prezidenti Antonio Koşta ilə telefon danışığı aparıb.

Avtosfer.az xəbər verir ki, bu barədə erməni KİV yazıb. 

Baş nazir Avropa İttifaqı Şurasının prezidentini yüksək vəzifəyə seçilməsi münasibətilə təbrik edib, ona uğurlar arzulayıb, həmçinin Ermənistan-Avropa İttifaqı əməkdaşlığının hazırkı durumundan məmnunluğunu bildirib.

Koştanın sualına cavab olaraq Paşinyan ona Ermənistan-Azərbaycan sülh prosesinin hazırkı vəziyyəti barədə məlumat verib və Ermənistan hökumətinin sülh gündəliyindən kənara çıxmayacağını vurğulayıb.

Həmsöhbətlər gələcəkdə də uyğun hallarda dialoqun davam etdirilməsi barədə razılığa gəliblər.

Xatyırladaq ki, Avropa İttifaqı Şurasının Prezidenti yanvarın 9-da Azərbaycan Respublikasının Prezidenti İlham Əliyevə zəng etmişdi.