Macarıstan prezidenti İlham Əliyevə başsağlığı verib

Macarıstanın Prezidenti Tamaş Şuyok Prezident İlham Əliyevə başsağlığı məktubu göndərib.

Avtosfer.az President.az-a istinadən bildirir ki, məktubda deyilir:

"Hörmətli cənab Prezident.

İcazə verin, çoxlu sayda insanın həlak olması ilə nəticələnən faciəvi təyyarə qəzası ilə bağlı Macarıstan xalqı adından və şəxsən öz adımdan səmimi başsağlığımı çatdırım. Dualarım və düşüncələrim həlak olanların və onların ailə üzvlərinin yanındadır".