Malayziya on bir il əvvəl itmiş təyyarənin axtarışlarını bərpa edir

"Malaysia Airlines" şirkətinin 11 il əvvəl itkin düşmüş təyyarəsinin suyun dərinliklərindəki axtarışları dekabrın 30-da bərpa olunacaq.

Avtosfer.az xəbər verir ki, məlumatı "New Straits Times" nəşri Malayziyanın Nəqliyyat Nazirliyinə istinadən yayıb.

Bildirilir ki, axtarışları ABŞ-nin "Ocean Infinity" şirkəti fasilələrlə 55 gün müddətində həyata keçirəcək. Axtarışlar avialaynerin tapılacağı ehtimal olunan bölgədə aparılacaq.

Xatırladaq ki, 2014-cü il martın 8-nə keçən gecə МН370 reysi ilə Kuala-Lumpurdan Pekinə uçmalı olan təyyarə havaya qalxdıqdan iki saat sonra radarlardan itib. Göyərtədə 227 sərnişin və 12 ekipaj üzvü olub.

2015-ci ilin yanvarında Malayziya hökuməti təyyarənin qəzaya uğradığını və göyərtəsindəkilərin həlak olduğunu bildirsə də, indiyədək avialaynerin heç bir izi tapılmayıb.