Maşın bazarında ağac kəsən avtosalon sahibi cəzalandırılacaq - Rəsmi açıqlama - VİDEO

Bakının Badamdar qəsəbəsindəki maşın bazarında yerləşən "36A" avtomobil salonunun sahibi Cavad Əliyev obyektinin yaxınlığındakı ağacı kəsib. 

Yasamal rayonu, Xarici Dairəvi Yol 4 ünvanında ağacın kəsilməsi və dibinə neft məhlulunun tökülməsi ilə bağlı daxil olan şikayət əsasında 11 saylı Regional Ekologiya və Təbii Sərvətlər İdarəsinin və Ətraf Mühitin Çirklənməsinin Monitorinq Qrupunun əməkdaşları tərəfindən əraziyə baxış keçirilib. 

İdarənin rəisi Qafar Ağayev bildirib ki, araşdırma zamanı "Avtoinvest" MMC-yə məxsus ərazidə tut ağacının sərt budanaraq zədələndiyi müəyyən edilib. Ağacın dibinə tökülən maddənin tərkibinin müəyyən olunması məqsədilə ağacın dibindən torpaq nümunələri götürülüb. 

“Hazırda faktla bağlı inzibati araşdırma davam edir, MMC-nin icarədarı Cavad Əliyev barəsində qanunamüvafiq tədbirlərin görülməsi istiqamətində işlər davam edir”.(unikal)