Maşın ustası qaçırdığı "Mercedes"lə birgə saxlanıldı

Oktyabrın 11-də axşam saatlarında Yasamal rayonu ərazisində yerləşən təmir sexlərinin birindən “Mercedes” markalı avtomobilin qaçırılması barədə polisə məlumat daxil olub. 

Avtosfer.az-a DİN-dən verilən məlumata görə, Yasamal RPİ 29-cu Polis Şöbəsi əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən həmin sexdə usta işləyən 28 yaşlı S.Təhməzov avtomobillə birgə saxlanılıb.

Yasamal Rayon Polis İdarəsində araşdırma aparılır.