Məhkəmə 1 milyon manat mənimsəyən avtosalon rəhbərlərinə ağır cəza verdi

Bakıda 14 nəfərə qarşı bir milyon manatlıq dələduzluq etməkdə ittiham olunan avtosalon rəhbərləri Fərid Cəlalov və Kamil Habillinin cinayət işi üzrə  məhkəmə araşdırması yekunlaşıb.

Avtosfer.az unikal-a istinadən xəbər verir ki, Bakı Ağır Cinayətlər Məhkəməsinin hakimi Fərid Namazovun sədrliyi ilə keçirilən prosesdə hokm oxunub. Hökmə əsasən,  Kamil Habilli və Fərid Cəlalov hər birinin 7 il 11 ay 28 gün müddətinə azadlıqdan məhrum edilib.

Qeyd edək ki, dövlət ittihamçısı ötən prosesdə hər iki təqsirləndirilənin 9 il müddətinə azadlıqdan məhrum edilməsini tələb etmişdi.

Xatırladaq ki, cinayət işi üzrə 14 nəfər zərərçəkmiş şəxs qismində tanınıb və onlara ümumilikdə təxminən 1  milyon manat məbləğində maddi ziyan dəydiyi müəyyən edilib. İstintaq materiallarina əsasən, təqsirləndirilənlər avtomobil satışı adı ilə vətəndaşlarin pullarını mənimsəməkdə ittiham olunurlar.